撈得喜火鍋冰室

营业中

休息中

捞得喜火锅冰室 元朗地址: 元朗屏昌径14-48号联发楼地下9-10号舖今日爸爸带我去食元朗好嘢👏🏻朗屏站行2分钟就到，非常方便。捞得喜火锅冰室佢同个friend成日嚟食嘅地方有晚市系全场爆满，位置宽躺，真系好多人钟意食烤鱼或者鸡煲，呢间有正宗川菜嘅味道先会咁多人👏🏻店员热情招待好有礼貌，餐牌亦都非常之靓，攞起身好有手感。我同爸爸食晚市任食两个钟人头收费七点前离座可以$158一位就算系正常食饭时间都系$178一位我哋叫咗麻辣鸡煲，要小辣，之后可以自己出去自助攞嘢食，咁我哋攞木耳同埋青瓜做前菜，重有蚬、虾、鲮鱼球、牛丸、炸鱼皮、炸响铃、豆腐卜。不能尽录，睇相😂我仲攞咗两杯水果茶超解辣解渴，入边系用新鲜生果制成㗎，好足料，有西瓜🍉蓝莓🫐橙。甜品我仲要食曲奇🍪雪糕。鸡煲个汤底真系有传统川菜嘅味道，辣度系可控制嘅，小辣真系小辣‼️好似入口，刺激味蕾，我劲怕汤底咸，好彩佢刚刚好，仲有汤底放枱头随时自己加添。呢度食嘢感觉到好喜庆，真系一大班friend嚟叙旧吹水嘅好地方，旧生们如果要聚可以嚟呢间。