雲蝶 (已結業)

软壳蟹黑松露野菌忌廉意粉 $72都几足料，好多菇同埋有原只软壳蟹，炸到香口酥脆而唔油腻，忌廉酱creamy，加埋蟹籽更加有口感。酥炸软壳蟹多士配自己秘酱 $52都系有原只软壳蟹，软壳蟹同洋葱圈都系刚刚炸起，够热够脆。三文治嘅方包有烘底，仲加咗蜜糖，甜甜地又脆味道唔错，但系拎上手食会有d痴笠笠，最好用张纸拎住食。柚子芝士蛋糕 $24柚子融入左cheesecake，啖啖都食到柚子味，蛋糕绵滑质地似american cheesecake. 云呢嗱鲜奶咖啡 $23榛子鲜奶咖啡 $21因为点左主菜同一份下午茶，加饮品有半价优惠，咖啡味闻落好香，冻咖啡加左冰味道都无变淡。