影片
更多
2021-11-28
583 浏览
去完沙田踩单车，就谂起可以去宜家家私度食晚饭。 估唔到六点钟已经大排长龙，好彩只系等咗20分钟就已经可以入座。餐厅有新装修，上个月嚟嘅时候 都唔系咁样，而家装咗电子屏幕，又有新嘅枱櫈。整体感觉大咗好多，方便更多人入座， 唔使等咁耐位。餐牌都转咗新嘅，见到有龙虾，双眼发光。因为最近自己成日好想食龙虾，估唔到73蚊就有半只龙虾食。虽然龙虾比较细，一啖就食咗，不过肉质都几弹牙呀，有龙虾味，比较咸。就咁食龙虾系唔饱嘅，焗薯就可以填饱个肚喇。嗌咗两个龙虾，两个焗薯有大有小，好大分别，不过最后都系食唔晒。三文鱼煎得有啲干，味道正常， 唔会腥。好耐冇饮过酥皮汤。呢个系龙虾酥皮汤个皮好松脆， 龙虾汤里面真系有几粒小嘅龙虾，算系身材实料。好过大x乐、大快x𠮶啲快餐店，肉都冇，33蚊都算合理。朱古力心太软配杂莓忌廉朱古力心太软甜度适中，唔算太腻。不过切开嘅时候啲朱古力酱冇漏出嚟，只系溶喺中间啫。就咁食啲杂莓会太酸，但系加埋朱古力心太软同埋忌廉一齐食，中和番个酸味同甜味，非常好嘅配搭，味道好平衡。整体嚟讲价钱都可接受，系平价嘅海鲜西餐。
餐牌都转咗新嘅，见到有龙虾，双眼发光。因为最近自己成日好想食龙虾，估唔到73蚊就有半只龙虾食。虽然龙虾比较细，一啖就食咗，不过肉质都几弹牙呀，有龙虾味，比较咸。
就咁食龙虾系唔饱嘅，焗薯就可以填饱个肚喇。嗌咗两个龙虾，两个焗薯有大有小，好大分别，不过最后都系食唔晒。
三文鱼煎得有啲干，味道正常， 唔会腥。
好耐冇饮过酥皮汤。呢个系龙虾酥皮汤个皮好松脆， 龙虾汤里面真系有几粒小嘅龙虾，算系身材实料。好过大x乐、大快x𠮶啲快餐店，肉都冇，33蚊都算合理。
朱古力心太软配杂莓忌廉
朱古力心太软甜度适中，唔算太腻。不过切开嘅时候啲朱古力酱冇漏出嚟，只系溶喺中间啫。就咁食啲杂莓会太酸，但系加埋朱古力心太软同埋忌廉一齐食，中和番个酸味同甜味，非常好嘅配搭，味道好平衡。
整体嚟讲价钱都可接受，系平价嘅海鲜西餐。
张贴
