老闆火鍋冰室

营业中

休息中

前排有friend去过呢间铺头打边炉话抵食，话要揾埋我再食多次，因为宜家8月做紧9折优惠，加上免加一免酱料费，200几蚊一个价钱任饮任食，听落去都几吸引我，所以约左个平日夜晚去食。去到门口仲见到写住会送一份海鲜拼盘同即炸响铃！好彩我FD 醒一早book定位吾洗等，食左阵已经坐满哂。汤底选择好多，基本上大多数都无额外收费，我地叫左椰子花胶鸡锅，劲香椰子味，花胶都有5-6块，鸡都ok，个汤饮落无咩味精，自己都饮左3碗！送既海鲜拼盘都有鲍鱼、生蚝，我见佢好似系随机，因为每枱都有啲吾同。另外呢个都系送既响铃，大大旧仲要即炸，好食！我地叫左贵啲既套餐，会多左安格斯牛颈脊同牛柳粒呢2款肉。呢到啲牛肉质素几好，无雪味，食到有牛味之余，仲几有口感，比一般放题质素好！另外想推介鲜虾云吞都好食，每粒都有原只虾肉，大大粒！菜芯苗都几靓，吾会黄同烂！呢度虽然吾收酱料费，但都有几多酱料选择，最重要有炸蒜！另外仲有餐厅自己煮既蒜蓉辣椒油！饮品都有8-10款选择，有汽水、冬瓜茶、甘蔗水等等。