醍醐茶寮 (已結業)

之前外卖饮过佢嘅岩盐咖啡☕️，味道不逊于cafe店，今日就同朋友坐低食个午餐。店内坐位唔多，只有10个左右，环境光猛洁净。独当一面套餐$55，包面、主菜及饮品🥤，收费确系抵！咸香干伴刀削润条面🍜，𩠌菜有肉燥、台式卤蛋、葱花、生菜，混埋秘制葱油酱汁一齐食。酱油鲜香浓郁，咸甜有至，面条烟韧弹牙。秘汁贡丸，有5粒，略嫌唔够热，肉质微弹牙，酱汁甜甜地。餐饮选择都好多，起码20款以上，我就拣咗招牌珍珠奶茶（单买要$23）。茶底香浓，唔会太甜，珍珠Q弹烟靭。