河畔強記雞粥海鮮酒家 (已結業)

揸住架车，系沙田区夜晚最好就系去河畔果个大圈果度泊车食饭，其实都好少抄牌。到左之后等左几分钟，店员就安排左我地入坐啦。睇到餐牌，野食都唔贵，我地一行五人就决定叫一个三宝，三碗粥，三只乳鸽同埋一碟炒油墨菜，三宝我地就叫左清酒浸大蚬，炒蟹同埋西兰花带子花姿！上菜啦，见到佢地价钱平但系其实都几大碟，蚬肉好足料，蟹系足一只，而且重有好多膏！鸡粥就同预期差不多啦，最赞就系只乳鸽，真系好好好好食，够大只， 好够味，佢唔会太咸但系就好有鸽味，食到我地停唔到口，好想加单时但系店员话已经无晒啦，唯有下次再黎回味啦！不过如果黎就奉劝大家要早少少黎，因为其实佢地本身每日有一个特价品，今日就系五蚊一两虾，但系都系因为迟左卖晒啦！