喜點.鮮鍋粥底火鍋點心專門店 (已結業)

不得了，不得了，见男朋友咁钟意打边炉，就孤且一试。估唔到咁嘅格局嘅火锅都会有咁多惊喜食物同选择，真系食到好满足嗌左哩个忘不了海鲜火锅套餐，饮品任饮，有豆浆，有蔗水等等可以自助任攞，配料仲可以无限追加，有海鲜，有肉，有菜，应有尽有，真系好啱一大班人一齐喺度食！嗌左药膳鸡煲，真系好有水准，鸡都未落落去就已经好香药味，加埋鸡落去，真系绝配！啲鸡成盘咁上，本身系用酒浸住，真系好有味道，好入味！套餐跟嘅肉就拣左牛肉，大大块又好有鲜味，无得顶！净系头一转嗌嘅配料都已经多都食唔晒跟海鲜，有鸡，有饺子，有丸，有炸鱼皮，响铃等等真系食得好豪咁样，重点系一啲都唔贵，仲有得无限追加好多配料，真系可以开心咁样食食食海鲜种类够晒多，有手掌咁大嘅扇贝，仲有元贝，鲍鱼，圣子，蚬，虾，仲有龙虾，样样都好新鲜，只鲍鱼送到黎嘅时候仲郁紧 tim 渌完都系咁大只，无缩水，厚肉之余仲要好有鲜味，真心一流炸鱼皮同响铃都炸得好脆，亦无油益味，大大旧真系好正！