板神鉄板燒日本料理 (信和廣場)

📍板神鉄板烧日本料理 (信和广场) (铜锣湾)板神鉄板烧日本料理最近推出咗两款感谢祭套餐。十五品御膳/铁板烧十四品都只系$398。而且仲系星期一至日全日适用。🥢感谢祭 十五品御膳 $398前菜、沙律刺身三款、寿司五款天妇罗【虾•野菜】、西京烧汤、甜品/咖啡当日刺身系帆立贝、油甘鱼腩、樱煮八爪鱼。帆立贝味道鲜甜，得两件完全唔够食🥲。油甘鱼腩经过网烧，鱼脂香气更重。八爪鱼以樱煮方式烹调，质地柔软又保持到本身嘅鲜味。寿司系深海池鱼、左口鱼、间八、中拖罗、赤虾。款式比较大路，但鱼料新鲜有光泽，以呢个价位嚟讲冇得挑剔。比较有记忆点嘅系左口鱼🍣同埋🍣赤虾。左口鱼肉配左口鱼边，有适当油香又唔会太腻。赤虾肉质弹牙带点糯口，味道非常鲜甜。天妇罗面衣够薄够脆。虾肉几鲜甜。西京烧鱼肉又嫩又多鱼油。之后仲有面豉汤同豆乳布甸。晚餐嚟讲份量啱啱好。🥢感谢祭 铁板烧十四品 $398前菜、沙律、刺身三款南非鲍鱼、大虾带子/白鳕鱼/法国鹅肝美国牛肉、季节野菜 炒饭、汤、甜品刺身系赤身、间八腩、帆立贝。间八肥美得很。南非鲍鱼、大虾、法国鹅肝同一碟上。鲍鱼又软又甜。大虾好重牛油香。鹅肝厚身又肥美。美国牛肉份量好多，饱肚感十