阿茶茶。館 (已結業)

今晚同朋友到元朗揾饭食，呢间阿茶茶。馆。 一个dinner set 都几抵食㖞，大约$60至$80左右。于是入去试下。我和朋友一人叫左一个set, share 食先开心架嘛~黑松露杂菌扁意粉 $60我这个黑松露迷怎会错过呢～ 黑松露分量虽然唔算多，但味道仍然香浓，第一啖入口，松露的味就散发到口腔，好好味。欣赏佢地用扁意粉，忌廉汁更容易挂面，意粉煮得刚刚好，不会太淋，平日出面食既忌廉意粉，一系会香浓但干争争，一系会水漏漏淡而无味；而呢碟意粉竟然可以香浓但入口湿润，very good!三文鱼鳀鱼扁意粉 $62这个三文鱼意粉跟普通的鲜茄意粉望上去好像没有什么分别，但特别在佢加入左鳀鱼，佢既作用同黑松露一样，细少但却成为意粉中的主角，佢令到普通既意粉提升了鲜味，都算平凡中带点惊喜。最后，我觉得不得不提既系餐汤同面包(跟餐送)，佢既餐汤系忌廉汤，但饮得出味道层次不同平日既忌廉汤，佢加入左西兰花及饮到有芝士味，配埋特色既烤面包(应该系意大利包) ，松软口感配搭creamy 既汤做得几出色!我觉得今餐以一个平民价钱食到特色西餐，抵哂啦～