藥膳刀削麵 (已結業)

呢间嘢我想帮衬好耐，可惜一直苦无机会，直到佢由铁行里搬到机利文新街，最近才有机会试！20230818午餐： 菜肉云吞药膳汤刀削面，另加小食猪软骨，送纸包饮品更可拣味食物方面：菜肉云吞大粒又好味，有淡淡嘅药膳汤味，份量好足够，猪软骨就麻麻地(口感同我食开其他店嘅做法有啲唔同)，但都有满满一盒，抵食夹大件！值得一提嘅系，食店嘅服务态度相当好，对于食客在whatsapp 多番提问，都有耐性一一解答，并对多个要求都尽量做到有求必应！当日午餐时间正值下大雨，外卖阿叔拎住一大袋重重嘅6份餐，都能照约定时间准时嚟到雪厂街，仲为咗弄湿咗收据表示歉意，态度可掬，相当敬业乐业！平民价钱就有咁嘅食物同服务质素，绝对通过西客嘅压力测试，相当难得！在此祝食店生意兴隆！ ❤