CHEF STAGE de Eddy Chu (已結業)

想食高质西餐 我推介哩间！餐厅可以望到维港靓景Tasting menu 只需$398一位就食到6道菜 加1道甜品好耐冇嚟 再访依然高质！夜晚仲有歌手弹结他唱歌🎸想悭钱去旅行 但又想间中食好西 都好适合嚟食呀！.💠Tasting Dinner Menu - $398/head💠🔸日本面豉带子薄片配鲜虾肉虾、带子都好新鲜清甜，面豉咸中带甜、有清酒香，好食！🔸松露煮日本年糕松露 白汁Creamy 、年糕 QQ弹弹有米香，滋味而不腻。🔸焗连壳食法国田螺个壳系由面粉整成，脆卜卜，而田螺弹牙多汁，有香草同蒜香，好好食！🔸黑松露蘑菇汤/是日餐汤餐汤系番茄浓汤，真系好浓嘅鲜茄味，甜甜地好开胃。黑松露蘑菇汤质地好滑，有好多蘑菇，依然系咁好味。🔸鲜鲈鱼柳酸甜香草汁皮煎到好似薄脆咁，鱼肉够滑，酸甜香草汁似唔辣嘅泰式汁，同鱼好夹。🔸砵酒烩法国鸭脾🔸慢烧美国牛肉眼🔸烧羊鞍🔸杂菜烩安格斯牛腩扒🔸橡果级黑毛猪肉（五选一）我哋分别叫咗烧羊鞍、橡果级黑毛猪肉大大件嘅羊架，好厚肉，切开中间系粉红色一丝丝嘅纹理，香软好食！🔸咖啡慕丝蛋糕质地非常丝滑，咖啡味突出，可以配埋朱古力酱、水果一齐食。