筷賞 (已結業)

因为工作既缘故，几日后再临坑口，朋友拣左另一间TKO Gateway内的餐厅 - 筷赏地点都就脚既，因为TKO Gateway都近坑口站，就系地下果层街市旁一个集中左好多食肆既区域。环境大致整洁，灰色水泥地，装潢以黑白灰做主调，深啡色木枱，部分枱与枱之间有藤木屏风相隔，天花无特别去装假天花遮住喉管，有意／无意地营造出工业风格。服务就尚可啦，收银员都nice，茶餐厅的话，个人唔要求伙记会客客气气食物方面，选择众多，碟头饭常餐汤乌冬粉面样样齐，简单概括就系大件夹抵食。我拣左牛乳滑蛋盖饭 配 牛扒 转意粉，味道中规中矩，但四十几蚊大大碟包埋野饮，CP值高。朋友点左一个日式炒乌冬，无影到相，味道中中庭庭不惊艳。另外点左个西多士，呢个西多要赞，因为佢好食过好多茶记出品既西多，重点系一啲都唔悭家，够多酱多牛油多炼奶，食到佢里面搽左大量花生酱！埋单齐头＄120， 食到捧住个肚走，适合长期粮尾人士。