牛一 (屯門市廣場1期) (已結業)

网上见人分享左半自助边炉都系$78。于是今日去左牛一食午餐，2点到，都要拎飞，等咗5分钟就有位了。入面都有唔少人呀！拣咗$78/60分钟，出面自助拎嘅嘢食好多款色，拎咗啲肠，丸，炸芋头，菜⋯⋯仲有嘢饮后返位，10分钟未见有肉上就叫咗人帮手跟，转头就嚟咗，但牛五花就肥咗少少！豚五花都几好味！啲待应姐姐几好人，够快手！之后食咗半个钟就饱咗，就周围影吓相，同试下雪糕同豆腐花，估唔到豆腐花都几滑，仲有椰子味雪糕唔错！嘢饮方面有惊喜，竟然有啤酒同手摇茶，可以试下自己冲嘢饮，又几好玩😆！其实加$30就可任饮生啤，好抵呀！总括嚟讲，餐厅嘢食都好新鲜，同多选择，食1个钟大人细路仔都会好饱！以后可以多啲过嚟食午餐啦！