五月花港台日料理 (已結業)

今晚同朋友系荃湾唔知食咩好，行到嚟见到五月花6:30前入座$129，喺街仲有人派$20现金券，所以2人上咗去食，由于时间尚早关系，所以可以座到卡位，卡位原本可以4-6人座，依家2人座，所以好舒服，$129价钱有寿司、鱼生、手卷、炸物、中式小菜、火㶽等等比人任点，虽然份量系因人数而比(我反而欣赏，比起自己任拎嘅buffet，唔驶浪费食物)。食物都算OK，炸物系热辣辣，手卷反而就一般，火㶽配料都唔错！饮品就只有三款任饮(百事可爱、七喜同橙汁)系罐装，都好OK！甜品有两款(桂花糕同绿茶雪糕)绿茶雪糕好正，好浓绿茶味，问过侍应，原来只系牛奶公司雪糕，有啲喜出望外，桂花糕反而唔得，无端端有嚿大雪耳喺到，好似饮雪耳糖水咁(其实应该系雪耳糖水加咗大菜)2人同感！但总括嚟系系抵食嘅！服务方面都好满意，侍都好勤帮客人添茶同执碟！