海皇粥店 (駱克道)

营业中

休息中

一直都抗拒食粥，不过近排感冒刚好，口淡淡，反而想揾啖粥食。行过修顿附近，记得好似有间海皇，于是就决定去食啦。入到去人唔多，睇餐牌先知海皇多左好多野食，唔剩只系粥。另外，原来晚上 8:30 后，海皇有三十蚊楼下的餐。我拣了个粥 + 小食那个 (细皮蛋瘦肉粥 + 炒面 + 猪肉烧卖一粒 + 煎韮菜锅贴一只)，唔好睇佢好似好小型咁，但其实夹埋份量唔小的，所以都够饱。个粥够热又足料，炒面炒得干身唔太油。锅贴层皮煎得外脆内软，肉馅也够多，唔会鬼鬼鼠鼠得少少。一个餐有四样食物，三十蚊楼下，去边度揾。