牛陣 (已結業)

简单讲就系将日本间「牧场」火锅店概念搬过黎香港搞，不过稍为混乱，$100~160 澳洲牛肉，$220~370 日本和牛，总共有十几个价钱，唔同价钱唔同级数（即系任佢嗡），价钱已经包汤底，有日式甜汁汤底（Sukiyaki）同清汤（Sabui Sabui），另外仲有铁观音汤底等等不知名汤底，甜汁汤底唔太甜，颇适合香港人口味，亦唔需要点芝麻酱或者豉油已经够味道，不过切记甜汤渌菜会变韧，冇得解，祇系经验之谈。我点左$150 澳洲牛肉放题，大概等左十五分先上牛肉，侍应生话即切牛肉所以要略为等等，除左牛肉占大部分之外，仲有猪肉同猪腩肉，牛肉比掌心略大，切到纸咁薄，门口个侍应生似机械人，木口木面，讲野又细声，唔多知佢想点，反而入面个大婶仲有礼貌解释个任点任食规则，当第一碟差不多食完又会主动问下驶唔驶追加牛肉，　不过一碟都饱到上心口。有大量自助菜蔬，生果有木瓜，甜品有雪糕，咁嘅价钱尚算抵食。