WOW! Burger (已結業)

今日既Lunch系Wow! Burger,我话我要试哂麦当劳以外既汉堡包,哩间系第4间,亦系好高评价既一间~我既Order系芝士牛肉汉堡set($32)加薯圈($7):-首先要讲好抵食,最贵既餐都系$40有找,麦当劳而家都差唔多$30一个餐啦,所以我觉得算平~!!其次就系足料,个包都算大个,块牛同够厚又有肉汁,虽然眼见块肉好似红红地,但系一D都唔生,又唔会过熟,刚刚好,我唔食生既觉得好正,块芝士溶溶地仲正,又有菜同蕃茄,加埋一齐食唔会觉得油,又唔滞,块包仲烘过,唔似普通面包,好好口感~!!正!!!败笔就系薯圈炸得太干,有D热气,好彩又唔算好油,可接受~最后仲Order左个西多粒,酱可以拣士多啤梨朱古力or焦糖,哩个几特别,仲以为净系茶餐厅同甜品舖先食到西多添~~~卖相好一流,见到就想即刻食,不过个酱好甜,我谂3种酱都一定甜架~讲番个西多,卖相好靓,炸得好脆,脆得滞,一D都唔似西多,都唔错~~~总结我觉得好味又抵食,同TRIPLE O比,哩个价钱哩个水准,已经好好,我觉得好过Mos Burger, 起码平过Mos Burger,我相信好快开好多分店!!!!