影片
更多
2010-11-12
奇怪! 点解只有一个食评 ? ....环境 – 由于系闲日, 晚上人唔多, 全场大约有三十几人, 由于人少, 食得好舒服... 但觉得灯光比较暗. 午餐时其实都黎睇过下有咩分别, 午餐时比较多人, 可能系附近返工既人吧... 无海鲜冷盘,其他都差唔多...食物方面, 今期主打意大利风情, 但唔知做到几时... (5分为满分)热盘 (3分) : 其实种类唔多, 蒸鱼柳/鸡件/牛/鸡翼/西兰花/意大利pasta／白饭／炒饭/中西汤…还有其他,唔记得啦.蒸巨鱼 (5 分) : 巨型比目鱼 (个样好似左口果种), 先出下半身, 俾人食完后再推出上半身, 我谂条鱼总长有接近20吋, 我味见过呢种鱼有甘大条, 鱼肉又滑又肥, 超好味.意大利薄饼 (3 分) : 有两款, ok la...芝士 (3 分) : 有四五款不同的芝之, 我个人唔系好识欣赏, 不过蜜糖+芝士尼种食法几特别...铁板烧 （３分） :即叫即煎，有羊架／肠／鱼／牛肉．．．．羊架好新鲜即炒意大利粉（４分）：好多唔同意
环境 – 由于系闲日, 晚上人唔多, 全场大约有三十几人, 由于人少, 食得好舒服... 但觉得灯光比较暗.
午餐时其实都黎睇过下有咩分别, 午餐时比较多人, 可能系附近返工既人吧... 无海鲜冷盘,其他都差唔多...
食物方面, 今期主打意大利风情, 但唔知做到几时... (5分为满分)
热盘 (3分) : 其实种类唔多, 蒸鱼柳/鸡件/牛/鸡翼/西兰花/意大利pasta／白饭／炒饭/中西汤…还有其他,唔记得啦.
蒸巨鱼 (5 分) : 巨型比目鱼 (个样好似左口果种), 先出下半身, 俾人食完后再推出上半身, 我谂条鱼总长有接近20吋,
我味见过呢种鱼有甘大条, 鱼肉又滑又肥, 超好味.
意大利薄饼 (3 分) : 有两款, ok la...
芝士 (3 分) : 有四五款不同的芝之, 我个人唔系好识欣赏, 不过蜜糖+芝士尼种食法几特别...
铁板烧 （３分） :即叫即煎，有羊架／肠／鱼／牛肉．．．．羊架好新鲜
即炒意大利粉（４分）：好多唔同意大利粉的种类及配料，可自由配搭，之后即抄俾你．．
冷盘－鱼生（４分） : 只有两种，三文鱼／不知名白色鱼生，鱼生我只系食三文鱼，所以种类少对我黎讲唔系问题．．
三文鱼很新鲜，很肥．．
冷盘－寿司／冷面（３分）：有四五款，无咩特别．．
冷盘－长脚蟹脚（３分）：一般, 间间酒店既味都差唔多
冷盘－虾（２分） ：肉质弹牙，都好鲜甜, 但无挑肠，好多沙
冷盘－蚝（４分） ：细细仔，唔系肥大果种，但好鲜甜
冷盘－螺仔（４分）：都几大只，几弹牙及新鲜
冷盘－蟹（４分） ：外国果ｄ巨蟹（盖面约８吋濶），唔知叫咩名，盖／钳／身已分开，
部份蟹盖入面的膏都到你唔信，当然好高胆固醇啦．．
沙律吧（３分） ：一般
甜品 ：朱古力喷泉（３分）／两款雪糕（士多啤利比云呢拿好食）３分／其他一般的cake仔（３分）,
全场最好食既甜品系Tiramisu (5分)，酒味好重．
饮品（４分） ：橙汁／可乐任饮
总结：以宜家既物价，$200/成人, $100/小童(已打八五拆)黎讲, 我觉得很超值，所有visa/master都有八五折, 唔驶烦....
虽然种类唔系太多，但好多都好新鲜，而且好快补回食物，源源不绝, 人又少, 唔驶迫, 唔驶争....
我谂位置系佢最大既缺点! 对于西环友黎讲当然很方便, 但对于区外人, 由于无地铁到, 系有d唔方便...
张贴