相聚茶寮 (已結業)

中午同屋企人去FOOD COURT食午餐，突然好想食点心同蒸饭，于是选择咗食"相聚茶寮"。价钱都唔算太贵，一个餐有蒸饭、点心加饮品都系三十五蚊，都算抵食！叫咗个窝蛋牛肉饭、烧卖加豆浆。(烧卖要加多两蚊。)窝蛋牛肉饭可以叫生蛋或煎蛋，而我就叫咗生蛋试下，将生蛋加上酱油同牛肉捞埋一齐，口感不错！不过牛肉有少少腍，但都唔会话唔好食既。烧卖确实弹牙，材料都好丰富，系正既！