小雲川 (已結業)

今日又收旺角，由7点一直做一直做，收工呢刻竟然无哂食欲，只系想快快脆脆食完碗米线就返去训，系上小巴度发现左新开既台式面线店，唔理3721就冲入去先。环境大、阔落、光猛，一踏入黎个人为之一振，坐低就嗌左碗招牌腩肉米线。腩肉超入味，睇落以为好干，食落又另一回事，肉都炆得几腍，唔洗点咬就松开，而且又唔会太肥全部系猪油膏，最啱怕肥既我！我就麻麻地豆卜，系朋友极力推荐下勉强食左粒，原来吸埋啲汤又系另一番风味！当然首先系个汤底好味先有咁既效果啦！面又唔会太腍，软硬度适中，我谂我下次快食一个粉都会再encore小云川！