薄餅吧 (已結業)

实在太热，点解? 而家只系4月，迟啲点算？！今日要去旧文具博物馆，附近有咩特别嘢食？坐得最舒服，食物又够特别应该系呢度喇啩！呢间以怀旧香港做主题嘅酒店，一入嚟已经有啲怀旧壁画，又估佢唔到对面系pizza吧㖞！仲好盏鬼咁有叉烧pizza及豆豉鲮鱼pizza，不过每星期唔同嘅，今日有幸系叉烧pizza，梗系要叫一个试吓啦！细叉烧pizza ($52)见到厨师揸住个大“镬铲”，即刻冲过去影相先！见到佢将个pizza放入去特制嘅炉入面，正啊！大概10分钟就出炉喇，个pizza有7吋，够晒两个人食；一上菜就先闻到香喷喷嘅味道，叉烧上嘅油花仲弹吓弹吓；先将一片pizza拉开，系有芝士丝㗎，批底够薄，批边又烘得松脆，叉烧肥瘦分明肉质都算嫩，加上芝士及京葱又出奇哋夹，够晒中西合璧，食到冇停口 两个人share真系好抵食！