板長壽司 (東角Laforet) (已結業)

今日下晏冇咩做，想去食寿司，同老公嚟板长寿司撑台脚。去到都唔使等位。环境一般啦，里面喺好窄嘅长条形，都几逼下。卫生唔算好干净，过得去咁喇，服务都过得去，唔喺高档寿司店，喺甘上下。花之恋整得好靓，三文鱼做花，蟹仔铺面，三文鱼鲜味滑口，蟹仔弹牙，成旧入口感觉好正。烧原条鳗鱼都几大条，烧嘅时间啱啱好，肉质嫩滑弹牙，香浓可口。原只鲍鱼肉质鲜嫩弹牙，不会太难咬开，鲍鱼壳里面喺寿司饭，鲍鱼响上面，饭吸收鲍鱼嘅鲜味，好正。香芒蟹仔沙律份量好细，不过甘嘅价钱喺甘上下咯，芒果同青菜都好鲜甜，蟹仔都几新鲜。海胆好鲜甜入口即化，甘香可口，唔会好腥。不过海胆就唔大。北海道牛乳布丁细细个做得非常好，先唔讲味道，单睇外面够晒滑，真喺冇可挑剔。入口香滑到我都唔识点形容好咯，牛乳好浓郁。食完一个真喺想食多个。呢个真的值得推介。三文鱼好大旧，肉质鲜美可口，口感细腻。北极贝鲜滑爽口，加D酱汁口感更佳。