銀咖哩 (已結業)

今晚又系同Mr.J喺将军澳食晚饭，行过Popcorn嘅Foodcourt见到银咖喱个富士山咖喱饭好有趣，所以就决定食依个喇，两个人食应该差唔多。1.5kg嘅富士山咖喱饭放喺眼前真系几震撼，因为份量超大。配料有好多，例如吉列猪扒、煎蛋、肠仔、汉堡、芝士、奄列蛋等，两个人食就最好。吉列猪扒系脆皮的，不错。奄列蛋就差咗少少，份量唔够多同唔够滑。至于咖喱汁方面，里面会有啲肉碎同薯仔粒，几好味，不过因为真系太多饭，啲汁根本唔够用嚟捞饭。除咗富士山咖喱饭，仲另外加咗个炸薯角同汽水(共$9)。个炸薯角几好食，感觉系即炸嘅。今晚两个人总共用咗$84就食到超饱喇，真系好抵食。