意八餐廳 (已結業)

圣诞节周围都加价，再唔系就要食套餐，真的好讨厌！幸好俾我发现到宜家冇加一，平均食个lunch都系$40连埋餐饮，够哂平民价！猪骨浓汤叉烧拉面味道不俗，但就似港式拉面！叉烧好入味，而且半肥瘦，好有口感！面条幼身，冇乜口感，唔似日本人拉面烟靱弹牙，比较似公仔面！浓底味道浓，但似味精汤底！日本拉面多用竹笋做配菜，宜度就用左萝卜，非常港式，好似食紧车仔面！焗蕃茄猪排饭份量都唔算少，猪排有手掌咁长，而且仲好味过快餐店添！值得一提既系，面层放了芝士一齐焗，格外惹味，仲有芝士拉丝效果添！