曼谷車站

营业中

休息中

得宝咁细个场入面竟然有泰菜，仲有装修既咁就去会一会佢。装修以怀著曼谷车站做主题，用啲怀旧props行理箱、竹篱咁装饰下但其实除左个车箱样，有啲卡位之外系唔会觉得有咩关联既。星期六下午茶有位，其实有啲惊，不过可能新啲人未知有。咁part time 妹妹带左我同姨姨去靠墙既位，俾左个餐牌我之后，我就明点解付近咁多位。因为左右隔两枱都有讲野超大声既大妈响度。我真心系听唔到坐我对面我姨姨讲乜鬼。唔想老人家姨姨搬黎搬去就忍一忍叫野食🙉，下午茶太平了，只有约四十，见到唔系成日有得食既猪手饭就谂住叫，姨姨就食咖哩鸡。叫个妹妹埋黎，佢话卖晒猪手喇咁就转食海南鸡啦。加龙眼冰。大妈终于埋单走人，耳根清静。龙眼冰见到个色已经估到好淡，得一两粒龙眼干。个海南鸡份量唔多，（平都预左既）都ok唔算老但又唔系好滑，似冰鲜既肉质（平既都预左），个汤味精都正常。正常味。咖哩鸡啲咖哩就浠左啲无乜辣味正正常常，无乜配菜在内如洋葱或青椒。鸡用急冻鸡柳无特别。侍应妹妹成日就企左响隔几枱既外藉人士度用英文同佢介绍中文餐牌上既系咩菜，虽然词不达意但外藉人士又真系照叫多几样但打包哈哈。