娜多歐陸餐廳 (已結業)

夜晚我同女朋友去将军澳食晚饭。见到佢个二人套餐几抵，大约$27x，所以决定试吓。（最后埋单$320左右，因为叫咗两杯特饮） 白汤唔稀几好饮，但最钟意系个面包，又脆又有少少葱油饼嘅味道。佢嘅小食拼盘份量唔多但多元化，有香草麦皮虾、脆炸单骨鸡同埋猪肋骨。单骨鸡唔油同埋几香口，但我认为麦皮虾猪肋骨比较逊色，食嘅时候已经唔热。主菜我哋叫咗肉眼扒配薯菜同埋龙虾汁软饭。 肉眼扒我哋叫咗5成，牛肉食起来都几嫰几好，外皮煎得几好唔系过焦，唯独油脂唔系太多，同埋薯蓉太blend冇乜味。总括来讲肉眼扒都几好水准至于𠮶软饭，我认为更加出色。我好钟意个龙虾汁够浓，至少个菜式叫海鲜真系有青口同虾，份量都好足。总括来讲， ＄320嘅二人套餐都好多嘢食，肉眼扒嘅size都算大，主菜同餐饮都算唔错，除咗拼盘唔系太好。环境尚算不错，侍应都好好服务，所以下次会再来光顾!