天然齋 (已結業)

朋友食斋，所以揾咗呢间餐厅。不过记得要上3楼就要搭大厦外架䢂。我哋入咗电梯大堂等䢂，结果去咗后门，要麻烦职员开门比我哋。呢度可以拣三𩠌饭或者小菜，我哋平靓正拣咗前者（$50）。正常嘅味道。朋友唔食蛋，问姐姐某个𩠌有冇蛋，姐姐话唔知道。如果可以更贴心就好了，始终有不少素食者都唔食蛋呢。朋友好心谂住坐个二人位，唔好霸住人哋张大枱，即刻比职员话「咁多个位唔坐，系要坐𠮶度嘅」我谂𠮶两个位系比食小菜嘅人坐嘅，所以就好尴尬地揾张四人位坐。呢度仲有室外位，简直系石屎森林中嘅绿洲，如果唔知食咩好，下次都会再嚟！有咗经验下次就唔会撞板。