薩莉亞意式餐廳 (慈雲山中心)

营业中

休息中

萨莉亚不嬲都系平靓正之选，每次食都必嗌芝士焗薯角，啲薯角热辣辣，配埋拉丝嘅芝士同香口嘅火腿，真系好正。水牛芝士薄饼上面嘅芝士好香，薄饼底又够脆，真系好好食。蒜蓉牛油焗田螺消失过一排终于有得食返，一盘有6粒，粒粒都劲大粒，配埋蒜蓉同牛油，真系超香口。以前好中意食意式洋葱蒜蓉烧鸡，觉得佢啲鸡肉好嫩滑。但系近呢几次食都觉得啲鸡肉”鞋”咗，冇以前咁滑咁好食。以前都会嗌羊鞍焗炉烧，因为又好食又抵食。但系今次真系唔多掂，一拎起件羊鞍就闻到劲大阵膻味，忍住阵味摆入口，咬唔到两啖就决定唔食，因为真系劲膻，膻到完全食唔到。虽然某啲食物嘅质素系有少少下降，但系一分钱一分货，都唔会话要求太高，惟有记住下次唔好食羊鞍啦。