象泰 (已結業)

有睇开我食评嘅朋友仔，都知道我好钟意食泰菜， 今次特登入黎屯门，试一试呢间象泰！雅都商场新装修，而象泰系gogo mall入面，唔系好识路嘅朋友仔就可能要揾一阵！一坐低梗系嗌冬荫功啦！冬荫功好够辣！岩晒我呢个辣妹饮！又有虾磨菇同埋蕃茄，份量两个饮刚刚好！另外仲叫咗半打串烧，有猪又有鸡！调味刚好，都算入味！又有秘制酱料！更加惹味！香芧鱼饼都有8旧，好抵食！加埋泰式辣酱，辣辣地好好食！马拉盏炒通菜，呢度整得唔算辣，唔会好咸！岩晒唔系好食得辣嘅朋友仔！网包鸡丝炒金边粉，卖相好靓！用蛋丝包住成个金边粉！甜甜地又唔会太干身！加分加分！