北角四眼妹美食屋 (已結業)

今日去开北角整电脑，等紧师傅期间系附近周围逛，见到这间小店就试一试。我点左一份推介的四眼妹酸辣粉试下，食落就唔觉得好酸，主要系个辣味比较重，不过啲辣汁系沉左系底的，所以我食头几啖好似冇味咁，之后先发觉啲辣汁系底，捞起啲粉来食先好食返。我个人觉得如果你的期望系系冻的天气食到辣粉暖胃，这碗酸辣粉可以满足到你的要求，但要好有特色就谈不上。不过小店主打的系鸡蛋仔同格仔饼，有见及此，我点左一客朱古力鸡蛋仔，系热身的，食落外脆内软，朱古力味淡淡地，食完唔会因为太甜而喉咙好干，个人都几喜欢食。