皇室冰廳 (已結業)

佢嘅场面装饰系我最钟意嘅地方，上面写咗一啲香港地道嘅街道名称仲写住香港味道，茶餐厅嘅格局加上特别嘅场面装饰令到成个气氛好唔错，茶餐厅就该有茶餐厅嘅味道。是日午餐超级抵食49至52蚊就有得食，加8蚊就有阿妈靓汤，我地就拣咗杯Oreo朱古力同埋Oreo阿华田，意外地好好饮，阿华田真系茶餐厅必叫，d orea碎好脆好好味，阿华田味好香浓，即使沟左冰都唔会好淡，无念过mix埋都真系几好饮。叫左常餐沙嗲牛肉公仔面加奄列多士、午餐嘅盐酥鸡球饭同日式鳗鱼炒饭，我自己系食日式鳗鱼炒饭，$50水准真系好唔错，份量算多但我都成碟食晒一粒都冇食净😂。