泰好味

营业中

休息中

三个人点左好几个𩠌菜，冬阴功海鲜汤、咖喱炒虾、蒜蓉包、猪肉炒椰菜苗、小食拼盘、猪牛鸡串烧各一、炒金边粉。两个椰青同一杯咸柠七。冬阴功海鲜汤海鲜料好足，可惜嘅系个汤偏酸，辣味就唔太够。咖喱炒虾，啲虾好细只而且冇咩鲜味，咖喱呢都够味不过唔够香。蒜蓉包真系一流！❤️外脆内软，充满蒜香味，配咖喱一流！猪肉炒椰菜苗，椰菜苗爽口而且都够镬气，不过佢就真系唔系太够泰式味。小食拼盘，好抵食大大碟。虾饼系唔错嘅。炸皮蛋炸太熟，入边唔够滑，实的的。春卷就真系唔好食。睇食评话串烧最好食，串烧鸡系真系唔错，够滑又香。串烧牛同猪就真系好一般，实在太咸。最一般嘅系炒金边粉，豆干有浸酸味，个金边粉炒得太湿😢