古早牛肉麵 (已結業)

呢间餐厅既装修好有台湾风味! 好似置身台湾咁，过下打卡瘾。食物种类都几多，特别系小食类竟然有蚵仔煎，呢个唔系好多铺头都有，所以我地都叫左黎试下。个样出到黎好似蛋饼咁! 不过见到D蚵仔铺晒系面，都几足料架，同埋个酱同系台湾食到既都好似! 仲有个层胶既质感 ! 好感动，终于揾到好食的蚵仔煎。另外，叫左个盐酥大鸡排配麻辣酱干拌面，盐酥鸡排炸得几好，唔会厚粉，鸡肉都嫩滑。干拌面既面质系粗身，都有D肉碎系入面，唔算好辣，食唔到辣的朋友都可以试下。朋友就叫左个招牌半筋半肉配肉燥干拌面，筋位好多骨胶原，筋同肉既比例又真系1比1，都几唔错，如果肉燥份量再多D就更好啦! 野饮就叫左杯仙草奶茶，跟餐加点几抵，同埋都好大杯下! 仙车份量都好多，茶底较浓，呢一餐好满足呀!