杯中物

营业中

休息中

旺中一楼有几间炸物好抵食。上次帮衬隔离𠮶间，但系因为要等15分钟， 今日赶时间，所以今次试下呢间。之前去几次都闩咗门，今日终于开返。佢啲嘢真系好平，十蚊有三条炸芝士条，同埋十蚊有三只炸虾。等咗大概五分钟就有得食啦。攞嘅时候发现佢畀少咗一条芝士条，问返店员，佢话炸漏咗。店员都好有礼貌，不断讲唔好意思。芝士条同炸虾望落去比较瘦弱，不过十蚊一款，算系咁啦。咬落去唔算好热，里面系暖暖哋，因为唔太热嘅关系，拉丝效果都唔系好长。如果热啲，炸耐少少，就非常好啦。炸虾虽然好瘦弱，但系佢嘅外衣好薄，虾有手指尾咁粗，都算弹牙。十蚊系咁上下。不过佢啲酱汁有啲稀，好似沟咗水咁。落咗芥末酱同沙律酱，都冇乜味道。间唔中想食下咋嘢，呢间系平嘅选择。如果计好食，应该隔离𠮶间好食啲。