佳佳餐廳

营业中

休息中

作为大埔街坊，相信好多人都会嚟过大元邨平台揾食。呢到食店林立。绝对系揾食嘅好地方，而且价钱实惠。好多系附近做野嘅人午餐都会选择嚟到呢到。今日去左佳佳到食午餐。首先点左个咸蛋肉饼饭。讲真份量非常合理。肉饼食落唔会净系得肥膏。肉饼肥瘦均匀。而且唔会过熟。食落口岩岩好。咸蛋亦都好香。一口白饭，一口肉饼。配合得岩岩好。之后就清清地食个白菜鱼肉饭，鱼肉唔会有碎骨。岩晒老人家同小朋友食。白菜仔亦都好爽甜。食得肉多都要食下菜。两个人最后食左百零蚊松啲。价钱都算合理。味道同份量都对得起个价钱。