熊本牛鍋 (永勝商業中心)

营业中

休息中

又去打边炉🤣🤣数唔清近排打咗几多次。今次呢间位于尖沙咀山林道，原来𠮶度好多火锅餐厅，我哋拣咗-熊本牛锅☺️佢首先系食鸡煲，佢即整嘅，所以等咗一阵，其间侍应叫我哋去攞小食食，有炸鸡同薯条，服务好好。鸡煲好味㖞，啖啖肉，好入味，仲有鲍鱼、虾同蚬😍好足料。仲有芋头，仲加咗好特别嘅紫薯同蕃薯，越煮越入味，好甜。食到够，之后就加汤打边炉，佢会攞三碟肉俾我哋，有牛小排、牛颈肩同猪，可以无限任加。当中最好味系牛小排☺️其余嘅丸、菜、饺之类嘅食物就系出面自己攞，最后仲有甜品同埋雪糕，食到好饱好饱。餐厅唔算大，有兴趣就最好打去book定位先，200几蚊食到咁多嘢真系好抵。