燒肉801

营业中

休息中

今次已经系第三次食呢间，今日先发现佢转咗个menu，同朋友叫咗个$498嘅二人餐，再加个白饭set & 冷面set(白饭set 有埋泡菜同面豉汤，抵过就咁叫白饭)。今次嘅食物质素都系无令人失望，我觉得比起头两次食，啲肉质仲靓咗。今次叫呢个 set有盐味牛舌、黒毛和牛小排、黒毛和牛上肩肉、极上厚切牛胸腹柳、葱盐味鸡腿肉同埋黑毛豚无骨小排。所有肉都好新鲜好嫩滑，有入口即溶嘅口感。最惊喜系块极上厚切牛胸腹柳，几乎有两只手掌咁大！起初以为咁厚会好韧，点知入口嘅口感系极嫩滑！由于叫咗个饭同冷面打底，结果食完都系大满足，真心觉得呢间嘅烧肉性价比好高，尖沙咀呢个价位有咁嘅质素真系无出其右。唯一美中不足系饮品选择较少，今次都系颓饮可乐，如果佢有多啲特饮选择就perfect。