三點三冰室

营业中

休息中

今日收工嘅时候超级无敌大雨，所以梗系喺商场入边揾嘢食啦，呢间餐厅平时同同事食中午饭都成日嚟，份量大，食物好味，仲要价钱绝对唔贵，所以今日收工真系几个人就过嚟食饭，可能真系因为落雨嘅关系，未到七点已经要排队。今日叫做个南洋喇沙汤面，超多料，汤底都算浓郁，油面口感唔会太腍。二世祖捞丁又有带子，又有鲍鱼同埋冬菇，咁名贵，难怪叫二世祖，捞面个汁甜甜地，女士们最钟意食。鲍鱼蛋白素翅炒饭亦都系另外一度抵食嘅高级嘢，有鲍鱼又有素翅，呢间冰室真系够晒过瘾！呢度个炒饭炒得好香，米饭粒粒分明，唔会太油。最后都叫埋一个盐酥花枝丸一起分享，炸得好好，唔会油淋淋！菠菜吞拿鱼焗通粉都有惊喜，因为真系面层有超厚嘅芝士，仲要可以做到拉丝嘅效果。杯雪糕红豆冰都绝对冇马虎，超多红豆，啲红豆仲要好沙～