半島漁港/阿翁火鍋館

营业中

休息中

是日好友约左去天水围半岛渔港食晚餐。好快被安排好座位，叫定茶饮住睇菜谱。$1优惠3选一真系无可能唔叫。最后叫左上汤焗美洲龙虾伊面底配清蒸老虎斑仔，蒜蓉粉丝蒸圣子皇，老火汤，鱼香茄子煲，特价至尊烧鹅皇。上汤焗美洲龙虾伊面底-龙虾啖啖肉，鲜甜爽口弹牙。个汁调校得好到位吸收埋龙虾汁一流。清蒸老虎斑仔-鱼肉鲜甜滑口，唔会有泥味。鱼肉肉质都好好。蒜蓉粉丝蒸圣子皇-圣子肉质爽甜嫩口又够鲜味，配合大量蒜蓉及粉丝底，将圣子鲜味增加不少。老火汤-赤小豆粉葛鸡脚鲮鱼汤足料香浓，唔系饮完口干个d。鲮鱼汤鲜味仲有好香既骨汤，真系正。鱼香茄子煲-热辣辣成煲上枱，茄子够淋配上咸香肉碎一流。特价至尊烧鹅皇-1蚊超抵食，用蜡烛台热住黎食免得冻左。烧鹅皮脆肉滑油脂分布岩岩好，唔会过肥又不失鹅香。食完仲有红豆沙送，甜度岩岩好。红豆煲得够淋起沙味道好。