Orange Elephant Thai Restaurant (和富) (已結業)

橙象每日会有$1指定菜式优惠，非常抵食。我地order 左星期四 $1 飞天通菜，炒得够镬气，味道少少辣辣地够晒惹味。咖喱海鲜脆包盅🍞$148卖相相当唔错，一上枱已经流晒口水。面包烘得外脆内软，我地将整个面包剪成一件件，点上咖喱食，松脆可口。黄咖喱偏甜微辣，带点椰香，配上鲜虾，鱿鱼，青口等足料海鲜，滋味无穷。焗大头虾粉丝煲🦐$159上枱嘅时候热辣辣，粉丝份量好多。大头虾有两大只仲开埋边，4个人食都够。粉丝吸尽大虾和姜葱的味道，口感烟韧弹牙。特选椰青$42鲜甜解渴，椰肉爽滑！椰汁珍多冰$28特别喜欢绿色的啫喱条，爽爽的同椰汁一起啜入口，充满泰式风味。