越好

营业中

休息中

今晚去沙田行街，突然想食越南野，行行吓见到呢间越式餐厅，好似装修得唔错，所以入去试吓。睇睇餐牌，价钱都唔贵，我见2人餐都几抵食，有主食，小食同饮品，于是叫咗个2人餐。越南炸春卷，炸得好香脆，份量都几多，有5条。炸虾饼，炸得唔太油，虾饼好爽口，即炸热辣辣，外脆内软，好好食。生牛肉汤河，都几足料，牛肉有好多片，汤够热，汤底几清几好味，河粉都好滑，唔错。咖喱串烧鸡，呢个咖喱饭有4串鸡，烧得面头焦焦脆脆，加埋咖喱一齐食，好惹味。餐饮青柠梳打＆涷奶茶，梳打好够气，青柠够酸，而奶茶都好香浓。