Nice Sushi + Thai Buffet (已結業)

今晚去左新开既buffet食野...唔太难揾,环境唔错,静静地,岩晒一班人聚会下..第一时间去左沙律巴,都几多款,有泰式凤爪,好好味.不过要小心,可能有d 骨未去干净会整到只牙!但无影响我食野既兴致.再食柚子沙律,呢个必食,个人觉得好出色,因为出边食到既柚子沙律好多时都带苦涩味,但呢度既就唔会,好清新!海南鸡都好嫩滑,再入味少少就perfect!sushi细细件,鱼生切得好厚,正,好新鲜!虾天妇罗既粉厚,但虾都几大只,so ok la,胜在够热!青口同扇贝朋友试左,佢话好味!冬荫公好多料,唔太辣,好开胃!叫左碗白饭,捞埋d 咖哩汁,好正呀..d蟹有肉食架,绝无欺场..佢d 甜品做到好精致,岩岩好一口一件,可以试晒咁多款,最钟意椰汁西米糕,好香.加多个豆腐味既雪糕,饱晒...haha~仲有好多味道选择,芝麻,红豆,vanila..可惜太饱食唔落最值得赞既系refill得好快,唔使好似行慢d都惊无得食咁,总之只要你食得落就唔会无野食...服务都唔错,收碟快,加水好密.好抵食!!!!