The Luxe Seafood Bar & Resto (已結業)

朋友之前食过, 都觉得几抵, 于是今次建议我嚟食, 明知百零蚊价钱, 唔会有d咩贵嘢食, 但都叫做系buffet, 算系抵食啦~一早book咗位, 所以唔驶急, 但都早咗到, 响门口等朋友时, 见到门口地下, 用砖仔砌成佢铺头个外, 都特别~入到去, 限时食, 咁一坐低, 当然出去行个圈, 视察下环境, 呢度地方唔大, 拎嘢食的地方都唔算好大范围, 但款式算系唔少, 以呢个价钱, 算系好多嘢食, 当然唔会系好贵的食物, 连刺身都冇~热食主要有炒饭、炒面、炆猪手、鸡翼、薯角、紫薯茸、猪肋骨、焗千层面、炒什菜、炸馒头、鸭胸、猪脾、奄列(即叫即做)~而冷食有冻虾、青口、寿司、沙律、火腿、生果~饮品方面, 选择冇乜, 只有茶、咖啡、橙汁~甜品都系得几款杯仔, 再加豆腐花、焗布甸~汤就更加得一款, 一系饮, 一系唔饮~基本上食物唔算太好味, 只有一般, 唔难得就可以接受, 最like佢地系不停refill, 经常见到厨师走出嚟望下够唔够食物, 有时经理都会望下, 见有d差不多冇, 都会通知refill~都限时前15分钟左右, 就会叫你埋单, 到够钟时会再提提你, 一般人都好识做, 唔会赖死唔走~