居廬 (已結業)

土瓜湾既隐蔽抵食cafe，主食甜品款款齐，价钱实惠，环境亦好适合倾计。 香煎美国牛肉汉堡配竹炭包 ($116)黑色既竹炭包松软，不过无咩竹炭味。包身搽上牛油，焗得香口，半溶芝士好滑溜好惹味。汉堡扒厚得惊人，肉质松软得黎又唔会散哂，牛肉味香浓。配上清新既蕃茄同生菜，整体唔会太腻。薯条亦炸得香口又脆身，整体几抵食。 龙虾汁海鲜扁意大利粉 ($96)意粉煮得软硬度适中，做到Al dente。龙虾汁味道较淡，更浓郁会更好。配上大虾等海鲜，整体几清新。 草莓麻糬松饼 ($78)热辣辣焗起既花花形松饼。松软牛油味又浓，唔止。松饼中间仲有软糯既麻糬夹心，烟烟韧韧咁口感好正。士多啤梨雪糕配上果肉香甜度满分。洒上糖霜好甜腻，食食下会觉得好甜。不过多人share就刚刚好，好满足呢。