秋千.在 (已結業)

上网见到几多人赞呢个Christmas set, 见啲野又几岩食, 一于得闲黎试下😚 价钱$398/2person, 加一之后总共$438. 圣诞呢个价钱黎讲个人觉得都算抵食😋仲包2杯饮品，坐低之后等左大约15分钟就有野食，睇落样样都好靓，同张相一样，闻落仲好香😝要推荐佢地个伯爵茶松饼！好好食！岩岩焗完出黎，仲系外脆内软，一啲都唔干，食落带有少少伯爵茶+牛油味，如果有得散买一定会买走🥲栗子挞真材实料👍🏻食落好香栗子味，唔系出面个假死甜，栗子蓉仲带有少少栗子粒，不过啲cream有少少甜，整体偏甜，如果减啲糖可能会好啲👍🏻咸点方面有4种迷你bagel，包好有咬口，个人几钟意，整体唔错。其他野食都正正常常，冇伏，值得一试。