PizzaExpress (已結業)

一班新同事难得投缘，虽然唔同地方返工，但系都能够聚首一食晏真系好开心方便起见，揾啲近近地既地方，又想坐得舒服，所以拣左去 Pizza Express。中午十二点几办公室午饭时间，Pizza Express 纵使多人，都仲可以walk in唔洗点等。里面环境光猛空间感大，大玻璃窗望街都唔错，可惜唔系望海。 星期一至五中午开就有呢个 Express Lunch Set, 二人餐确系几抵食，有两个前菜、一个主菜加两杯饮品，加埋都只系$128。 前菜先黎薄切三文鱼，烟三文鱼加上橄榄油同酸豆，烟熏味配上酸酸味道清新开胃。南瓜蓉沾酱配面包球，其实唔太食到薄荷味。蒜蓉香味强，加左非常少量辣椒同胡椒调味层次丰富，南瓜加上松子仁则好味又健康。 主菜份量不少，两人分刚刚好。薄饼属薄批，入口同其他材料融为一体，唔会成口面粉。茄味浓又有淡淡菇香，猪肘肉味鲜且油而不腻，加埋橄榄更加唔会令口腔有种heavy既感觉，睇落重味但食落轻盈。另外服务都好友善细心，虽然成日都会尽量支持小店，不过有心既公司都应该要支持。