WIRED CAFE (已結業)

放假通常劲晏先出动，呢日又成3点几先出到尖沙咀觅食，因为太饿，落车近近地就去咗美丽华嘅Wired Cafe。原来佢有Holiday Brunch Menu，望落都几抵。厨师沙律啲菜都几新鲜，粟米都甜嘅，酱又唔会too much 。明太子忌廉意粉几香，个汁几creamy ，明太子嘅份量都恰到好处，唔会太咸，意粉口感少少偏硬。汉堡扒煎蛋饭𠮶块汉堡扒几大块，口感都几软稔，不过味道无乜特别，个汁够浓味又未至于好咸，只煎蛋蛋白刚熟，口感仲好嫩又重蛋香，笃穿埋个蛋黄夹埋啲汁一齐捞饭，正。2百几蚊食到劲饱，叫唔到个半价芭菲啰。