Masala Hut & Cafe (已結業)

同男朋友喺尖沙咀行街 无意中留意到地下嘅广告 见到午市自助餐只需要百几蚊 我不嬲都好钟意食印度薄饼点咖哩 所以就嚟咗试下餐厅应该系新开 所以所有装修摆设依然好新净同干净 播上柔和嘅音乐 气氛令人舒适 而且张櫈都好好坐自助餐种类虽然唔算多沙律主食连甜品 大概十种左右 例如有春卷 咖哩鸡 印度烤鸡 薯仔茄子 炸鱼 炖牛尾等等 但所有嘢调味都好好 亦适合香港人嘅口味 开头见出面冇薄饼拎有少少失望 但系坐咗冇耐 店员就为每枱送上一份原味薄饼同一份蒜味薄饼 啱啱烤起嘅薄饼脆卜卜 点埋咖哩食真系超级好味除此以外跟餐仲会配每人一杯Soft Drink 可以拣冻柠茶或者Lime Soda 唔会过甜又冰凉 啱晒我哋口味本身以为楼上舖会冇乜人气 但当日星期六其实坐咗一个钟左右已经全场爆满 当然食过之后都会明呢度受欢迎嘅原因 因为真系又抵食又好食 十分推介