BLT Steak (已結業)

海港城有优惠，拎住张唔多唔少嘅coupon 唔知食乜好。经过见lunch 有semi buffet, 又即管试下!环境开扬枱与枱之间有适当距离 (隔枱坐) , 由于疫情, 入座时职员有提醒出去拎食物要戴口罩。闲日lunch hour 唔算多人，但buffet区食物无偷功减料。仍然有充足嘅沙律，前菜，cold cut 等。中途亦见职员不时refill , 好多酒店都因为客少咗，就做到核核突突寒孙咁。呢度反而做得好足。食完沙律同前菜都饱左一半，好后悔，早知要净食salad bar 算....再嚟咗个安格欺汉堡，有甜洋葱同烟肉，仲有薯条...见到已经知食唔落... 汉堡牛啲肉汁流晒出嚟，好期待!!但一食落口。。。。系我有问题定厨师有问题？？？竟然乜味都无....讲紧系基本调味....完全啖口.... 但相对起BLT burger ,感觉呢个semi buffet都抵食甜品选择唔算多，但都已经好饱，饮埋咖啡，满足晒!!!扣埋张coupon 都唔洗$200, 都抵吖不过疫情下，食完都尽快戴返口罩喇。希望快啲过去，大家可以继续出去饮饮食食啦！