螢火

萤火午市套餐（星）⭐️沙律沙律简简单单，冰菜食落够清新爽脆。⭐️铁板烧帆立贝 帆立贝极厚切，外层煎得香脆而入面嘅贝肉依然嫩滑，加上少少黑鱼子增添番几分风味。⭐️汁煮白鳕鱼 Chef将鳕鱼嘅鱼皮同鱼肉分开料理，鱼肉配上爆炒过嘅洋葱，整成一个汤，上面再放上煎得香脆嘅鱼皮作为装饰。洋葱汤味道丰富但冇掩盖鳕鱼本身嘅鲜味，系浓郁同清新之间取得一个几好嘅平衡。⭐️铁板烤大虾 大虾鲜甜多汁，虾肉爽弹有口感，而且虾膏份量好多，唔需要额外调味都已经够好食。⭐️美国牛肉薄烧 个人食铁板烧钟意牛肉薄烧多过厚烧，牛肉薄薄一片，烧到5分熟，加上满满嘅葱蒜，一啖咬落去成个味蕾都有满足感。⭐️樱花虾炒饭配渍物及吸物 每粒饭都炒得好均匀，加入樱花虾、洋葱同香葱，再配上㶶边太阳蛋，食哂成碗饭！⭐️甜品 最后嘅甜品系一个开心果雪糕，入面有开心果粒粒，口感软滑，食落有啲似Gelato。成个set 先$380 真系几抵。Btw 后尾同侍应倾计知道餐厅最近做紧promotion，晚餐有免费清酒可以饮。佢哋仲有铁板烧房可以book同埋有许愿天灯。我去𠮶日咁啱个天灯坏左，如果大家去试呢间餐厅嘅话，可以顺便许个愿同打个卡啦。